Almatylyqtar metromen kóbirek júretin boldy
«Kólik reformasynyń arqasynda jeke kólikten qoǵamdyq kólikke aýysqandardyń sany 9 paıyzǵa artty. Panfılov kóshesindegi jaıaý jolaýshylar jolyn ashqaly beri Jibek joly men Almaly stansasyna otyratyn jolaýshylar sany 2 esege artqan. Bul ózgerister qaladaǵy qoǵamdyq kóliktiń mańyzyn arttyra túseri sózsiz», - dedi Maqsut Isahov.
Mamannyń aıtýynsha, bıyldyń ózinde Almatyda 530 jańa avtobýs paıdalanýǵa beriledi. Jalpy 2017 jyly qala ákimdigi 675 avtobýs alýǵa kelisimshart jasasqan. Onyń 530-y jolǵa bıyl shyqsa, 140-tan asa avtobýs keler jyldyń alǵashqy toqsanynda keledi.
«388 avtobýsty ákimdik sýdsıdııalaý arqyly satyp alady, Al qalǵanyn jeke tasymaldaýshylar satyp alyp jatyr», - dedi basqarma basshysy Maqsut Isahov.
Almaty basshysy Baýyrjan Baıbek buǵan deıin qoǵamdyq kólik naryǵyndaǵy kóleńkeli aqsha aınalymy qandaı bolǵanyn aıtyp berdi.
«Jeke tasymaldaýshylar ylǵı shyǵyn kóp dep shaǵymdanatyn. Shyǵyn bolsa eshkim jumys jasamaıtyn edi ǵoı. Óıtkeni eshkim taza tabys týraly bilmedi. «Ońaı» júıesin engizdik. Sonyń arqasynda naryq tazalandy, naryq kólemi 21-30 mlrd ekeni anyqtaldy. Sonyń arqasynda qazynaǵa taza salyq túsip, sýbsıdııa berý múmkindigi arta tústi. ıAǵnı, avtoparkter ózderi avtobýs satyp ala bastady», - dedi Baýyrjan Baıbek.
Sonymen qatar, qalada aqyly turaq kólemi 10 000 jetkiziledi. Velodáliz qurylysy, qoǵamdyq kólikterge arnalǵan arnaıy jolaqtar jalǵasady.
«Uzyndyǵy 22 shaqyrym bolatyn BRT jelisiniń qurylysy 2020 jyly aıaqtalady. Kelesi jyly uzaqtyǵy 22 shaqyrym bolatyn jeńil relsti kólik jelisi qurylysy boıynsha ınvestor anyqtalady. 2020 jyly jerasty jolynyń 2 stansasy salynyp paıdalanýǵa beriledi», - dedi Maqsut Isahov.
