Almatylyqtar «#Men úıdemin» chellendjin bastady

ALMATY. QazAqparat – Almatyda Jas Otan jastar qanatynyń belsendileri «#Men úıdemin» chellendjin bastady, dep habarlaıdy QazAqparat tilshisi.

Bul aktsııa koronavırýstyń taralýyn aldyn alý úshin turǵyndardy úıden shyqpaýǵa shaqyrady.

Aıta ketý kerek, chellendj áleýmettik jelilerde tez taralyp jatyr.

«#Men úıdemin» degen jazbany ustap eresekter de, zeınetkerler de, balalar da sýretke túsip jatyr.

Jas Otan uıymdastyrǵan aktsııasyn «Jalyn» jastar qozǵalysynyń ókilderi ilip ketti.

Chellendj uıymdastyrýshylary bul aktsııa azamattardyń jaýapkershiligin joǵarlatady degen úmitte.

Eske salsaq, buǵan deıin Almaty ákiminiń birinshi orynbasary Erlan Qojaǵapanov koronavırýspen kúresýdiń 4 tıimdi jolyn ataǵan bolatyn.