Almatylyqtar medıtsınalyq saqtandyrý qoryna 80,3 mlrd teńge aýdarǵan

ALMATY. QazAqparat – Jyl basynan beri memlekettik tapsyrys jáne medıtsınalyq saqtandyrý sheńberinde almatylyqtarǵa qyzmet kórsetken medıtsına uıymdaryna 80,3 mlrd teńge tólendi. Sonyń ishinde memlekettik tapsyrys boıynsha kórsetilip jatqan tegin medıtsınalyq kómek úshin 57,5 mlrd teńge jáne medıtsınalyq saqtandyrý úshin 22,8 mlrd tenge tólenip otyr. Bul týraly «Áleýmettik medıtsınalyq saqtandyrý qory» KEAQ Almaty fılıaly habarlady.

Eske salaıyq, medıtsınalyq saqtandyrý qory - 2018 jyldan beri memlekettik bıýdjetten qarjylandyrylatyn kepildendirilgen tegin kómek paketiniń operatory.

2020 jyldan bastap qor mindetti áleýmettik medıtsınalyq saqtandyrý sheńberinde kórsetiletin qyzmetterdiń aqysyn tóleı bastady.

Jalpy, Almaty qalasynda 173 medıtsına uıymy Medıtsınalyq saqtandyrý qorymen kelisimshart bekitken. Onyń basym bóligi – jeke menshik klınıkalar.

2020 jylǵa bekitilgen kelisimsharttyń jalpy somasy - 190,6 mlrd teńge.