Almatylyqtar medıtsınalyq saqtandyrý qoryna 47,3 mlrd teńge aýdarǵan

ALMATY. QazAqparat – 2017 jyldyń 1 shildesinen 2019 jyldyń 21 qarashasyna deıingi aralyqta Medıtsınalyq saqtandyrý qoryna 230 mlrd teńge tústi.Bul týraly búgin Almatyda ótken brıfıng barysynda «Áleýmettik medıtsınalyq saqtandyrý qory» kommertsııalyq emes uıymynyń Almaty bólimshesiniń dırektory Tileýhan Ábildaev aıtty, dep habarlaıdy QazAqparat tilshisi.

«Almaty qalasy barlyq óńirler arasynda kóshbasshylyq pozıtsııasyn áli ustap tur. Aýdarylǵan somanyń 5/1-i Almaty turǵyndarynyń úlesinde. 1 mln 421 myń turǵyn 47,3 mlrd teńge tólem aýdarǵan. Bul qarjynyń basym bóligi - 44,8 mlrd teńge jumys berýshilerdiń qarajaty», - dedi fılıal dırektory.

Sonymen qatar ózin ózi jumyspen qamtyp otyrǵan 4900 turǵyn 16,7 mln teńge kóleminde qarjy aýdarǵan.

Aıta ketý kerek, 2019 jyldyń qańtarynan Qazaqstanda biryńǵaı jıyntyq tólemi júıesi engizildi.

Bul jumyskerlerdi jaldamaı, ózin ózi jumyspen qamtyp otyrǵan jeke tulǵalarǵa arnalǵan.

Tólem quramyna áleýmettik medıtsınalyq saqtandyrý qoryna aýdarylatyn aqsha da kiredi. Almaty men Astana turǵyndary 1 AEK, ıaǵnı 2525 tg tólese, aýyldy jer, óńir turǵyndary 0,5 AEK kóleminde tólem tóleıdi. Bul olarǵa medıtsınalyq saqtandyrý júıesine qatysýǵa múmkindik beredi.