Almatylyqtar Qyzylaǵash aýylynyń turǵyndaryna gýmanıtarlyq kómek jiberdi

/strong>Naýryzdyń 26-sy. QazAqparat / Ádilet Musahaev / - Sý tasqynynan zardap shekken Almaty oblysy Aqsý aýdanynyń turǵyndaryna búgin Almatydan qaıyrymdylyq júgi jóneltildi,

dep habarlaıdy QazAqparat.

«Qyzylaǵashtaǵy qaıǵyly oqıǵaǵa kóptegen almatylyqtar men úkimettik emes uıymdar, qalanyń jáne respýblıkanyń etnomádenı birlestikteri qoldaý kórsetýde. Respýblıkalyq armıandar etnomádenı birlestigi 15 tonna un jınasa, jeke kásipkerler toby segiz tonnadaı jańa kıim-keshek, tósek japqyshtaryn, ydys-aıaq jáne taǵy basqa zattar jınap berdi», deıdi Almaty qalasy ákiminiń orynbasary Serik Seıdýmanov.

Sonymen qatar «Alys baılanys» kásipodaq jumysshylary 3 tonna alǵashqy qajettilik buıymdaryn bergen jáne taǵy basqa mekemeler óz shamalaryna qaraı kómek kórsetken.

Azyq-túlik pen zattaı buıymdardy jınaý naýryzdyń 18 men 25 aralyǵynda júrgizilgen.