Almatylyqtar qyzyl kitapqa engen emen aǵashtarynyń kesilýine qarsy
ALMATY. QazAqparat - Almaty turǵyndary úıdiń aýlasyndaǵy qurylysqa qarsy. Belsendiler Qyzyl kitapqa engen emen men basqa aǵashtardy kópqabatty turǵyn úı keshenin salý úshin kesip tastaýlary múmkin degen boljam jasady, dep habarlaıdy QazAqparat tilshisi.
«№1 shaǵynaýdanyndaǵy №77 úıdiń janyndaǵy avtoturaqtyń ornyna kópqabatty turǵyn úı keshenin salmaqshy. Qurylys jumystaryn júrgizý úshin Qyzyl kitapqa engen emen men basqa aǵashtardy otap tastaýlary múmkin. Qazirdiń ózinde merdiger kompanııa Saın kóshesi boıyndaǵy aǵash butalary men kógaldy joıyp jiberdi», - dep jazady almatylyqtar Facebook-te.
Qalalyq jasyl ekonomıka basqarmasynyń baspasóz qyzmeti turǵyndardyń shaǵymyna jaýap berdi.
«Bizdiń mamandar atalǵan mekenjaıǵa bardy. Emenderdi kesý faktisi rastalmady. Sanıtarlyq kesý de júrgizilmegen. Sonymen qatar, Almaty qalalyq jasyl ekonomıka basqarmasyna aǵashtardyń kesilýi týraly shaǵym túsken joq», - dep jaýap berdi basqarmadaǵylar.
