Almatylyqtar qytaılyq Sinopharm vaktsınasyn qashan saldyra alady

ALMATY. QazAqparat – Almaty qalalyq qoǵamdyq densaýlyq saqtaý basqarmasy qytaılyq Sinopharm vaktsınasy qala turǵyndary úshin qashan qoljetimdi bolatynyn málim etti, dep habarlaıdy QazAqparat tilshisi.

«Jaqynda Qazaqstanǵa Sinopharm farmatsevtıkalyq kesheni óndiretin Vero Cell vaktsınasy jetkizildi. Qazirgi ýaqytta Vero Cell vaktsınasy «SQ-Farmatsııa» qoımasynda. Vaktsına Almaty qalasy Qoǵamdyq densaýlyq basqarmasynyń qoımasyna áli túsken joq. Vaktsına emhanalarǵa túsken boıda, halyqqa aqparat beriledi. Tamyzdyń ortasynda preparatpen vaktsınalaý bastalady dep kútiledi», - dep habarlady basqarmadan.

Eske salaıyq, 10 tamyz kúni Almatyǵa qytaılyq Vero Sell vaktsınasynyń birinshi partııasy jetkizilgen bolatyn.