Almatylyqtar qysqy Azııa oıyndarynyń ıgiligin bolashaqta da kóredi - A.Esimov
ALMATY. Qyrkúıektiń 27-si. QazAqparat /Erbol Azanbek/ - Eger aldaǵy qysqy Azııa oıyndary bolmasa Dostyq dańǵylynan Shymbulaq demalys keshenine deıingi jol jaqyn jyldary jasalmas edi. Búgin Shyǵys aınalma jolynyń ýaqytsha júrý bóligin ashý barysynda qala ákimi Ahmetjan Esimov osyndaı pikir aıtty.
Ákim óz sózinde Medeý men Shymbulaq arasynda apattaq jaǵdaıda turǵan birneshe orynnyń bolǵanyn atap ótti. «Bul jol boıynda birneshe iri avtokólik apaty bolǵan edi. Sondyqtan ol joldy jasaý qajet bolatyn. Alaıda qysqy Azııa oıyndary ótpese, biz buǵan qarjy bólýge qol jetkize almas edik. Azııa oıyndary Shymbulaq, Medeýdi qalpyna keltirip, Balýan Sholaq saraıy men Ortalyq stadıondy, qala joldaryn jasaýǵa, shańǵy tramplınin salýǵa kómektesti»,- dedi A.Esimov.
«Sondyqtan qysqy Azııa oıyndarynda tek bir mezettik jarys qana kórmeımiz, jasalǵan istiń bári almatylyqtardyń ıgiligine talaı jyl qyzmet etedi»,-dedi qala ákimi.
