Almatylyqtar qutqarý qyzmetiniń jumystarymen tanysty
ASTANA. QazAqparat - Almatylyqtar Búkilálemdik azamattyq qorǵanys kúnine oraı jer silkinisin sezinip, órt sóndirý mashınasy kótergishiniń lıýlkine kóterilip, órt sóndirý gıdrantynan «atýǵa» múmkindik aldy, dep habarlaıdy «QazAqparat» HAA tilshisi.
Almatylyqtar jeksenbi kúni tańerteń qutqarý qyzmetiniń jumysymen tanysty. Búkilálemdik azamattyq qorǵanys kúnine oraı, jergilikti TJ departamenti qala turǵyndary úshin Astana eski alańynda órt sóndirý, qutqarý jáne medıtsınalyq tehnıkalar kórmesin uıymdastyrdy.
«Demonstratsııalyq kórme azamattyq qorǵanys jáne qaýipsizdik mádenıetin qalyptastyrý salasyndaǵy bilimdi nasıhattaý, sondaı-aq azamattarǵa qutqarý qyzmetteri men qurylymdarynyń múmkindikterin tanystyrý maqsatynda júrgizilýde», - dep atap ótti Almaty TJD ókili Sandýǵash Baımuhambetova.
Qala turǵyndary órt sóndirý tehnıkalaryn óz kózderimen kórip, qoldanýǵa múmkindik aldy. Budan bólek, olarǵa alǵashqy medıtsınalyq kómekti qalaı durys kórsetý kerektigi aıtylyp, tótenshe jaǵdaı bolǵanda ózderin qalaı ustaý kerektigi týraly aqparat berildi.
Sharaǵa Almaty TJD bastyǵy Serik Áýbákirov pen Almaty ákiminiń orynbasary Murat Dáribaev qatysty.
