Almatylyqtar quramynda synap bar qaýipti zattardy qaıda ótkize alady

ALMATY. QazAqparat- Almatyda qala turǵyndary qaýipti medıtsınalyq qaldyqtardy qaıda tapsyra alady? Bul saýalǵa óńirlik kommýnıkatsııalar qyzmetiniń brıfınginde qalalyq ekologııa departamentiniń ókili Nurjan Bólekbaev jaýap berdi, dep habarlaıdy QazAqparat tilshisi.

Spıkerdiń sózinshe, qaýipti qaldyqtardy joıý aıasynda qalada turǵyndardan quramynda synap bar shamdardy jáne aspaptardy jınaý boıynsha pılottyq joba iske asty.

10 ýchaskede arnaıy konteınerler ornatylǵan.

«Byltyr turǵyndardan jáne kelisimshart boıynsha zańdy tulǵalardan quramynda synap bar 12,756 tonna aspaptar men buıymdar jınalyp, qaıta óńdeldi. Aıta keteıin, «Synap plıýs» JShS óz qyzmetin belgisiz merzimge toqtatty. Atalǵan kásiporyndardan basqa, Almaty qalasynyń aýmaǵynda paıdalanylǵan elektrondyq aspaptar men jabdyqtardaǵy quramynda synap bar qaldyqtardy jınaýmen úsh kompanııa aınalysady», - dedi Almaty qalasy boıynsha ekologııa departamentiniń memlekettik ekologııalyq ınspektory Nurjan Bólekbaev.

Aıtýynsha, qalada medıtsınalyq qaldyqtardy óńdeýmen «Egıda» JShS jáne «ÝtılMedstroı» JShS sııaqty mamandandyrylǵan kásiporyndar aınalysady.