Almatylyqtar kóshege Batyrhan Shúkenovtyń atyn berýge daýys bere alady
ALMATY. QazAqparat - Elektrondy úkimet portaly saıtynda 164 kósheniń ataýyn ózgertý týraly joba jarııalandy, dep habarlaıdy QazAqparat tilshisi.
Olardyń arasynda bir kósheniń ataýyn Batyrhan Shúkenovtyń atyna aýystyrýy múmkin.
13-shildede jaryq kórgen joba 27 shildege deıin qoǵam talqylaýynda bolmaq.
Atap aıtqanda, Bostandyq aýdanyndaǵy Alataý shaǵyn aýdanynda Naýryz kóshesine Batyrhan Shúkenovtyń atyn berýi múmkin.
Bul kóshe taý jaqtan bastalyp, Úlken Almaty ózeniniń jaǵalaýyna deıin sozylyp jatyr.
Sonymen qatar, Alataý aýdanyndaǵy Alǵabas shaǵyn aýdanynda Aqsaı kóshesine Farıza Ońǵarsynovanyń atyn berý josparlanǵan.
Sondaı-aq, Almatydaǵy birqatar mańyzdy nysannyń avtory, arhıtektor Vladımır Katsevtiń atyn berý josparlanǵan.
Ataýy ózgeretin kóshelerdiń kópshiliginiń ataýy qaıtalanatynyn aıta ketý kerek.
Qaýly týraly aqparat munyń aldynda jarııalandy.
