Almatylyqtar koronavırýstyń bar-joǵyn anyqtaý úshin 3 zerthanada testileýden óte alady
Qalalyq taýarlar men qyzmetterdiń qaýipsizdigi men sapasyn baqylaý departamentiniń habarlaýynsha, koronavırýs juqpasynyń sımptomdary baıqalǵan tulǵalar jergilikti emhanaǵa baryp, taldaý tapsyrýy tıis.
«Qan juqpaly aýrýlar statsıonarynda alynady. Taldaý materıaldaryn tek oqytylǵan medıtsınalyq qyzmetker alady. Sosyn materıaldy Almatydaǵy úsh zerthanaǵa ákeledi. Olar Jibek joly, 3 mekenjaıyndaǵy ulttyq saraptama ortalyǵy, Áýezov kóshesi, 84 mekenjaıyndaǵy sanıtarlyq epıdemıologııalyq saraptama jáne baqylaý ǵylymı praktıkalyq ortalyǵy, Qapal, 14 mekenjaıyndaǵy Masǵut Aıqymbaev atyndaǵy qazaq karantın jáne juqpaly aýrýlar ǵylymı ortalyǵynda ornalasqan. Adamdar ózdiginen bul zerthanalarǵa bara almaıdy. Sebebi, ol jerde qan tapsyratyn protsedýralyq kabınetter joq. Suraq bolsa 382-35-36 jáne 382-33-50, 1406 nómirlerine habarlasýǵa bolady», - dedi departament qyzmetkeri.