Almatylyqtar koronavırýsty kóbine saýda obektilerinde juqtyrady – Bekshın

ALMATY. QazAqparat - Almatylyqtar koronavırýsty kóbinese saýda nysandary men qoǵamdyq kólikterde juqtyrady. Bul týraly brıfıng barysynda Almatynyń bas sanıtarlyq dárigeri Jandarbek Bekshın málim etti, dep habarlaıdy QazAqparat tilshisi.

Bekshınniń aıtýynsha, naýqastardyń 90% vırýsty – saýda obektilerinde (37,3%), qoǵamdyq kólikte – 22,2%, otbasylarda – 19,3%, bazarlarda – 11,2% juqtyrǵan.

Sondaı-aq megapolıstiń barlyq turǵyndary sanıtarlyq normalar men karantın talaptaryn elemeı, qaýipsizdik sharalaryn tıisti deńgeıde saqtamaıtyny atap ótildi.

«Qaladaǵy epıdemıologııalyq ahýaldyń turaqtanýyna qaramastan, men barlyǵyn, ásirese egde jastaǵy azamattardy koronavırýstyń kez kelgen shtamynan qorǵaýdy qamtamasyz etý úshin taǵy da vaktsınalanýǵa shaqyramyn», - dedi Almaty qalasynyń bas sanıtarlyq dárigeri.

Spıker qaladaǵy barlyq vaktsınalar tıimdi, tipti vaktsınalanǵan adam aýyryp qalsa da, qalyptasqan ımmýndyq qorǵanys aýrýdyń jeńil aǵymyn qamtamasyz etedi jáne ólim-jitimge jol bermeıtinin atap ótti.