Almatylyqtar koronavırýsty qaı jerde juqtyryp alǵan
ALMATY. QazAqparat - Almaty qalasynyń bas sanıtar dárigeri Jandarbek Bekshın qala turǵyndarynyń kóbine qaı jerde vırýs juqtyratynyn aıtty, dep habarlaıdy QazAqparat tilshisi.
«Koronavırýs sebepterin taldaý kezinde juqtyrýdyń 56%-y jumys ornynda bolǵany anyqtaldy. 20%-ynda, ıaǵnı 1948 jaǵdaıda otbasy múshelerinen juqqan. 13 jaǵdaıda neden juqqany belgisiz», - deıdi J.Bekshın.
Onyń aıtýynsha, taýarlar men qyzmetterdiń sapasy men qaýipsizdigin baqylaý departamenti naýqastarmen baılanysta bolǵan tulǵalardyń densaýlyǵyn jiti baqylap otyr.
«Jaqyn baılanysta bolǵan 48 myń adam, jumys babymen birge bolǵan 22 myń adam baqylaýda. 7 myń adamnyń densaýlyǵy úı karantıninde baqylanyp otyr» dep atap ótti bas sanıtar dáriger.
