Almatylyqtar koronavırýsty qaı jerde jıi juqtyrady
ALMATY. QazAqparat – Almaty qalasy sanıtarlyq-epıdemıologııalyq baqylaý departamentiniń bastyǵy, qalanyń bas memlekettik sanıtar dárigeri Jandarbek Bekshın almatylyqtardyń koronavırýsty qaı jerde jıi juqtyratynyn aıtty, dep habarlaıdy QazAqparat tilshisi.
«Biz ınfektsııa oshaqtaryn senimdi jáne yqtımal dep bólemiz. Múmkin bolatyndarǵa, eń aldymen, úı oshaqtary jatady.Úı oshaqtarynda juqtyrý - 37%. Sonymen qatar, áýe jolaýshylary, olardyń sany qazir azaıdy, jalpy, pandemııa bastalǵaly beri biz Almaty halyqaralyq áýejaıynda vırýs juqtyrǵan 122 jolaýshyny anyqtadyq. Basqa jerler (bul ınfektsııalar bolýy múmkin) saýda úıleri, dúkender, bazarlar. Ári qaraı bizde qoǵamdyq kólikter jatady. Eki aptanyń ishinde qoǵamdyq kólikterdegi ınfektsııanyń úlesi 23% -dan 16% -ǵa deıin tómendedi - bul mamandandyrylǵan baqylaý tobynyń jumys nátıjesi «, - dedi Jandarbek Bekshın qalanyń Qoǵamdyq keńesiniń otyrysynda.
Sonymen qatar, ol jaıaý júrginshiler men saıabaqta juqtyrý oryndaryna jatatynyn atap ótti.
Sóz sońynda, saýda-oıyn-saýyq ortalyǵyndaǵy ınfektsııanyń úlesi 6% -ǵa deıin tómendegenin jetikizdi.
