Almatylyqtar koronavırýsqa qarsy 4 vaktsınanyń birin tańdaı alady
ALMATY. QazAqparat - Almaty qalasynda bir táýlikte 1257 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Qoǵamdyq densaýlyq saqtaý basqarmasy taratqan málimetke sáıkes, 6 maýsym kúni 1 257 almatylyq vaktsına saldyrdy. Bıylǵy jyldyń 1 aqpany men 6 maýsymy aralyǵynda qalada barlyǵy 316 407 adam egildi. Vaktsına alǵandardyń jalpy sanynan 60 jastan asqan azamattar – 30 821.
Búginde almatylyqtar 4 vaktsınanyń birin tańdaı alady. Qalada «Spýtnık V»-nyń – 22 040 doza, «QazVac»-tyń – 815 doza, «Hayat-Vax»-tyń 18 293 dozasy qoljetimdi. Sondaı-aq 1 maýsym kúni Qytaı elinen «CoronaVac» vaktsınasynyń 500 myń dozasy jetkizilgen bolatyn.
Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkti jumys isteıdi», - dep naqtylady Qoǵamdyq densaýlyq saqtaý basqarmasynan.
