Almatylyqtar koronavırýs ınfektsııasyn qaı jerde jıi juqtyrady

ALMATY. QazAqparat – Almaty qalasy sanıtarlyq-epıdemıologııalyq baqylaý departamentiniń bastyǵy, qalanyń bas memlekettik sanıtar dárigeri Jandarbek Bekshın almatylyqtardyń koronavırýsty qaı jerde jıi juqtyratynyn aıtty, dep habarlaıdy QazAqparat tilshisi.

«Qarasha men jeltoqsan aıynyń birinshi aptasynyń qorytyndysy boıynsha koronavırýsqa neǵurlym beıim kontıngent - 20-dan 60 jasqa deıingi azamattar ekeni anyqtaldy. Kóbine 20-39 jas aralyǵyndaǵy jastar aýyrdy, olardyń úlesi qarasha aıynda da, jeltoqsannyń birinshi aptasynda da 32-36% boldy. 40-59 jas aralyǵyndaǵy adamdar - 29-31%, sondaı-aq 60 jastan asqan qart adamdar úlesi - 22-26% boldy»,– deıdi Jandarbek Bekshın.

Qarasha aıynda jáne sońǵy aptada KVI juqtyrǵan jerler jiti tekserildi:

– saýda úıleri, dúkender, bazarlarda (34%) 20-39 jas aralyǵyndaǵy jastar juqtyrǵan. Olar syrqattardyń 32-36%-yn quraıdy;

– otbasy múshelerimen baılanys - 35-36%, qalalyq kólik - 16-18%;

– medıtsınalyq uıymdarda baılanys – 6%, sondaı-aq shetelden jáne QR óńirlerinen ákelý – 6% jáne jumys, oqý ornynda juqtyrý kórsetkishi - 3%.

Bul faktilerdi monıtorıng toptary rastady.