Almatylyqtar kópsaıystan «Dınamo» birinshiliginiń jeńimpazy atandy
ALMATY. 22 maýsym. QazAqparat -19-22 maýsym kúnderi Almatyda «Dınamo» sport qoǵamynyń Spartakıada baǵdarlamasy aıasynda quqyq qorǵaýshylar arasynda Prezıdenttik kópsaıystan jeke komandalyq birinshilik ótti.
Tapanshadan oq atý, sýda júzý, uzaqtyqqa sekirý, granata laqtyrý men túrli qashyqtyqqa júgirýden ótken bul saıysta Almaty qalalyq ІІD-niń komandasy birinshi oryndy jeńip aldy. 2-3 oryndy QR Respýblıkalyq ulany men QR ІІM Akademııasy ózara bólisti.
«Bul birinshilik kúsh qurylymdarynyń kásibı biliktiligine baǵa beredi. Onda kez kelgen qatysýshy óziniń kúshi men áleýetiniń qanshalyqty deńgeıde ekendigin bilýi kerek. Eger ol jyldam júgirip, nysanany dál ata bilse, ol - onyń senimdiligin arttyra túsedi. Bul onyń basty jeńisi», - dedi QR ІІM Іshki áskeri «Ońtústik» óńirlik qolbasshylyǵynyń qolbasshysy general-maıor Álibek Seralıev.
Onda jekeleı synda, 45 jastan joǵary dárejede synǵa túsken Marat Samıev (Almaty q. ІІD) birinshi oryndy jeńip aldy. Onyń komandalas serigi Intın Dáýlet ekinshi, Respýblıkalyq ulan ókili Marat Jaqsylyqov úshinshi oryndy ıelendi. Al 45 jasqa deıingiler arasynda Anatolıı Perederıı (Almaty q. ІІD), Jandarbek Elshibaev (QR ІІM Akademııasy), Petr Homıakov (Almaty q., ІІD) úzdikter qatarynan kórindi. Al 40 jasqa deıingi sanatta Asan Pazyl (Resp. Gv.), Asqar Ondaspaev (Almaty q., ІІD), Sáken Egeýbaev (QR ІІM oqý ortalyǵy), 35 jasqa deıingiler arasynda Temirlan Aıtpaev (Almaty q., ІІD), Nurǵalı Bıjanov (Resp. Gv.), Nurqat Sarybaev (Almaty q., ІІD), 30 jasqa deıingi sanatta Dınasyl Demesin (Almaty q., ІІD), Qalymbet Danǵylbekov (Resp. Gv.), Mustafa Tııanaqov (QR ІІM Akademııasy) úzdikter qatarynan kórindi.
