Almatylyqtar Konstıtýtsııa kúnin Abaı alańynda atap ótedi
ASTANA. QazAqparat - QR Konstıtýtsııa kúnin almatylyqtar Respýblıka Saraıy aldyndaǵy Abaı alańynda, 30 tamyz kúni atap ótedi. Saltanatty keshke Reseı ánshileri men Qazaqstannyń estrada juldyzdary qatysady. Bul týraly Mádenıet basqarmasynyń baspasóz qyzmetinen habarlady, dep jazady Almaty telearnasynyń saıtynda.
«Kontserttik baǵdarlama mazmundy ári qyzyqty. Eki saǵatqa jýyq sahnada qazaqstandyq estrada juldyzdary men Reseıden - Sankt-Peterbýrg qalasynan kelgen múıiz aspaptar orkestri óner kórsetedi, olar merekeniń shyraıyn keltirip, kóterińki kóńil-kúı syılaıdy».
Esterińizge sala ketsek, 1995 jyly 30 tamyzda respýblıkalyq referendýmda osy kúngi qoldanystaǵy Qazaqstan Respýblıkasynyń Konstıtýtsııasy qabyldandy. Bul kún - memlekettik mereke - Konstıtýtsııa kúni, bıyl biz onyń qabyldanǵannan bergi 19-jyldyǵyn toılaımyz.
