Almatylyqtar kommýnaldyq qyzmetke eki mlrd teńge qaryz
ALMATY. QazAqparat – Almaty turǵyndary kommýnaldyq qyzmetke eki mlrd teńge qaryz, dep habarlaıdy QazAqparat tilshisi.
«Kommýnaldyq qyzmetterge qaryz bolyp qalǵandardan bereshekti óndirip alý boıynsha jumystar úzdiksiz júrgiziledi. Baılanys ortalyǵynyń mamandary qaryzy bar turǵyndarǵa únemi qońyraý shalyp, bereshegi bar ekenin esterine salyp, eskertý qaǵazdaryn jiberedi»,– dep habarlady Almaty qalasynyń Energotıimdilik jáne ınfraqurylymdyq damý basqarmasy.
Birinshi qyrkúıektegi jaǵdaı boıynsha, Almaty qalasyndaǵy kommýnaldyq qyzmetter úshin qaryzy 4,5 mlrd teńgeni quraıdy. Onyń ishinde turǵyndar - 2 mlrd teńge, zańdy tulǵalar - 2,5 mlrd teńge qaryz.
