Almatylyqtar kólikterin turaqqa tegin qoıyp jatyr
ALMATY. QazAqparat - Almatyda sýyqtan parkomattar qatyp qaldy. Іsten shyqqan apparattardyń tusynda almatylyqtar kólikterin turaqqa tegin qoıyp jatyr, dep habarlaıdy QazAqparat tilshisi.
Qalada birneshe parkomat apparaty qatty sýyq saldarynan isten shyqqan. Atap aıtqanda, júrgizýshiler Nurly Taý kesheni, Stolıchnyı saýda úıi, TsÝM janyndaǵy, Dostyq pen Qurmanǵazy kósheleriniń qıylysyndaǵy, Áıteke bı, Naýryzbaı batyr kóshelerindegi apparattarǵa tólem sala almaı qoıǵan.
Júrgizýshilerdiń narazylyǵy Instagramdaǵy kris_p_almaty pablıginde jarııalandy.
«Almaty SpetsTehParkıng Servıs» JShS habarlaýynsha, tehnıkalyq aqaýdyń sebebinen tólem jasaı almaǵan júrgizýshiler qýdalanbaıdy.
«Úskirik aıazdyń kesirinen apparattaǵy kartrıdj qatyp qalǵan. Sol sebepti parkomat ekrany óship qalǵan. Buǵan júrgizýshilerdiń kinási joq, sondyqtan olar qýdalanbaıdy», - dedi JShS-tiń baspasóz qyzmetinen.
