Almatylyqtar qaı elden koronavırýs juqtyryp keletini belgili boldy
ALMATY. QazAqparat – Almaty qalalyq Sanıtarlyq epıdemıologııalyq baqylaý departamenti basshysynyń orynbasary Ásel Qalyqova kóbinese vırýs juqtyrǵan azamattar qaı elden keletinin aıtty, dep habarlaıdy QazAqparat tilshisi.
«Búginde vırýs juqtyrǵandar kóbinese BAÁ elinen kelgender arasynda tirkelip jatyr. Ekinshi orynda Túrkııa, Egıpet, odan keıin Ýkraına, Belarýs elderinen kelgender arasynda tirkeledi», - dedi Ásel Qalyqova.
Sonymen qatar, onyń aıtýynsha, PTR test jasatpaı keletin jolaýshylar sany artqan. 6-8 naýryz aralyǵynda PTR taldaýynsyz 700 jolaýshy kelgen.
«Keshe PTR taldaýynsyz 56 jolaýshy kelgen», - dedi spıker.
Onyń aıtýynsha, koronavırýs kóbinese qoǵamdyq kólikten, otbasylyq qatynastan, saýda oryndarynan juǵyp jatyr.
Spıker munyń aldynda vırýs juqtyrý kórsetkishi nege artyp jatqanyn túsindirgen bolatyn. Ásel Qalyqova sonymen qatar, karantın talaptary kúsheıtiletinin aıtty.
