Almatylyqtar «Qara jorǵa» bıin aıýlardyń oryndaýynda tamashalaı alady
ALMATY. QazAqparat - Almatyda ústimizdegi jyly 12 naýryz ben 10 sáýir aralyǵynda Qazaq memlekettik tsırkinde «Men Máskeýdi aralap júrmin» atty tsırktik qoıylym bolady. Oǵan Máskeýdegi Vernadskıı dańǵyly boıyndaǵy Úlken Máskeý tsırkiniń úzdik ártisteri qatyspaq.
Shoý baǵdarlamada RF eńbegi sińgen ártisi ıÝrıı Aleksandrovtyń basshylyǵymen «Úıretilgen aıýlar «Orys úshtigi» atty attraktsıondyq nómir kórsetiledi. Onyń biregeıligi sol, tsırkke kelgen eresekter men balalar armrestlıng oıynyna, naǵyz aıýlarmen logıkalyq jattyǵýlardy sheshýge, olarmen arqan tartysý jarysyna qatysa alady.
Sonymen qatar, úıretilgen aıýlar «Qara jorǵa» bıin oryndaıdy.
Bulardan basqa, arqanda órmeleýshiler, úıretilgen ıtter jáne basqa da qyzyqty nómirler kórsetiledi.
Úlken Máskeý tsırki ártisteriniń aıtýynsha, olar úshin ár kez Qazaqstanǵa sapar shegý - umytylmas jaqsy áser qaldyrady. Óıtkeni, jergilikti kórermender tsırk ónerin erekshe qurmetteıdi.
Ońtústik astananyń turǵyndary alǵash ret belgili kúldirgi ártis Ksenııa Zýbovanyń (shyǵarmashylyq laqap aty Oksana Neskladnaıa) shyǵarmashylyǵyn tamashalaıdy. Kásibı dramalyq aktrısa Oksana Neskladnaıa tsırkte solo-saıqymazaq retinde jumys isteıdi.
«Baǵdarlamanyń bar mán-maǵynasy onyń ataýynda ǵoı. Ol - «Men Máskeýdi aralap júrmin» dep atalady. Óıtkeni, Máskeý kóshelerimen júrseńiz kóp nárseni kórýge bolady. Sol sebepti bizdiń baǵdarlamadan da kóp nárseni kóresiz. Biz bul jerde kórermendi Máskeýmen tanystyramyz. ıAǵnı, bul menimen birge Máskeý qalasyn ózindik bir aralaý bolyp tabylady», - deıdi O. Neskladnaıa.
