Almatylyqtar qalanyń 200-den astam aýlasyn qardan tazartty
ALMATY. Almatyda 1800-ge jýyq páter ıeleri kooperatıvteriniń qyzmetkerleri beısenbi kúni azańnan beri qar basyp qalǵan turǵyn úılerdiń aýlalaryn tazartý jumystarymen aınalysýda, dep habarlaıdy QazAqparat qala ákimdiginiń baspasóz qyzmetine silteme jasap.
Bul jumystar barysynda ásirese úlken muzdar qatyp qalǵan ǵımarattardyń shatyrynyń tazalyq jumystaryna basa mán berlip otyr. Óıtkeni olar adam ómirine aıtarlyqtaı qaýip týdyrýy múmkin. Muzdardy tazalaý jumystaryna kommýnaldyq qyzmet mekemelerine kómek retinde uıymdar men kásiporyndar 238 qyzmetkeri men 18 tehnıkasyn bóldi.
Seısenbiniń keshinde 236 aýla tazalandy.
Tabıǵı resýrstar men tabıǵatty paıdalanýdy retteý basqarmasy ókilderiniń habarlaýynsha, kommýnaldyq mekeme qyzmetkerleri men olarǵa qolǵabys etip otyrǵan qyzmetkerler qala magıstraldaryndaǵy tazalyq jumystaryn toqtatpastan kishigirim kósheler men avtobýs aıaldamalaryn da tazalaý jumystarymen aınalysyp jatyr.Saǵat 18-00-der shamasynda 280 aıaldama qar men muzdan tazartyldy.
Aıta keteıik, 16 qarashadan bastap, 4 táýlik ishinde qaladan 95 myń 380 tekshe metr qar men muz shyǵaryldy. Almatyny shekten tys qalyń túsken qardan tazartý jumystary táýlik boıyna jalǵasýda.
Osyǵan deıin qala ákimi Baýyrjan Baıbek almatylyqtarǵa qalany qardan tazartý jumystaryna qosqan úlesteri úshin alǵysyn bildirgen bolatyn.
