Almatylyqtar qalanyń 1 000 jyldyǵyna arnaıy án shyǵardy (FOTO)
ALMATY. QazAqparat - Almatylyqtar qalanyń 1 000 jyldyǵyna arnaıy án shyǵardy. Jańa týyndy qalanyń ánurany bolýǵa laıyq deıdi, shyǵarmashylyq top ókilderi.
«Almatyǵa -1 000 jyl» ániniń avtory «Zolotoı grammofon» júldesiniń ıegeri, Anıta Tsoı men Anı Lorakqa án jazǵan Islam Raqymjanov.
Vokaldy partııany belgili ánshiler Nurlan Abdýllın men Vladımır Stýpın jazdy. Al qobyz, shańqobyz, sazsyrnaı, qyl qobyz, dombyramen oryndalatyn partııany The Magic of Nomads ansambliniń mýzykanttary Ǵazıza Ǵabdrahımova men Jalǵabek Іles jazdy.
«Qazirgi tańda ánniń orys tilindegi nusqasy daıyn. Kıevte qazaq tilindegi nusqasy jazylyp jatyr», - dedi qalalyq máslıhat depýtaty Erlan Stambekov.
«Bul qala meniń ómirimde mańyzdy ról atqarady. Bizdiń balalyq, jastyq shaǵymyz ótken qala týraly este qalatyn án ár almatylyqtyń júreginen óshpes oryn alady dep senemiz», - dedi The Magic of Nomads ansambliniń jetekshisi Ǵazıza Ǵabdrahımova.
Joba uıymdastyrýshylary 6 mınýttyq kompozıtsııanyń beınebaıanyn jazýǵa qala turǵyndaryn shaqyryp otyr.
Ol úshin kez-kelgen ınternet qoldanýshy Almatynyń kórikti jerlerinde 5 sekýndtyq vıdeo túsirip marinkess@gmail.com adresine jibere alady. Úzdik jumystar beınebaıannyń vıdeoqataryna qosylady.
1 aıdyń ishinde beneıbaıan teleefırge jol tartady.
