Almatylyqtar qalany josparlaýǵa qatysa alady
ALMATY. QazAqparat - Almatyda «Qala turǵynynyń saýalnamasy» atty ýrbanıstik zertteý júrgizilip jatyr, dep habarlaıdy QazAqparat tilshisi.
Saýalnamany Almaty qalasy ákimdiginiń qoldaýymen «Almaty bas jospary» ǵylymı-zertteý ınstıtýty» JShS Qoldanbaly ýrbanıstıka ınstıtýtymen birlesip ázirledi. Zertteýdiń maqsaty qalalyq ınfraqurylymdy odan ári jaqsartý úshin ıdeıalar men usynystardy jınaý.
«Jaýaptardyń negizinde biz vernakýlıarlyq aýdandardyń kartasyn ala alamyz. Almatylyqtar qalany qalaı kórýdi qalaıtyny, olardy ne shabyttandyratyny, neni jaqsartý kerektigi aıqyndalady. Naqty ýchaskeler boıynsha suranysty anyqtaı otyryp, biz olardyń sapaly ózgerýin júzege asyra alamyz. Sondaı-aq bizge jaýapkershilik alyp, damý jobalaryna qatysýǵa daıyn, qalanyń damýyna nemquraıly qaramaıtyn qala turǵyndarynyń pikiri asa mańyzdy», - dedi «Almaty bas jospary» ǴZI» JShS dırektory, sáýletshi Ashat Sadýov.
Nátıjesinde saýalnama bas jospardy jáne damýdyń bas josparlaryn sapaly ázirleýge qajetti baza retinde paıdalanylady.
Saýalnama 43 suraqtan turady.
Saýalnamadan ótýge bolatyn oryndar: «Almaty bas jospary» ǴZI-diń, Q-Lab qalalyq jobalar zerthanasynyń, Almaty qalasy qalalyq josparlaý jáne Ýrbanıstıka basqarmasynyń ınternet-resýrstary, sondaı-aq Halyqqa qyzmet kórsetý ortalyqtary men metroda.
Saýalnamanyń QR-kody LED-ekrandarda, aıaldamalarda, qoǵamdyq kólikte qoljetimdi.
