Almatylyqtar qaladaǵy qardy tazartýǵa jumyla kiristi
ALMATY. QazAqparat - Almaty turǵyndary qalyń kópshilikti shaqyra otyryp, kommýnaldyq qyzmet ókilderine qalany qardan tazalaýǵa kómektesýde, dep habarlaıdy QazAqparat.
Almatynyń Erden Tilemisov atty turǵyny Instagram paraqshasynda «Aýa raıyna, sheneýnikterge, jalpy búkil álemge ókpeńdi aıtyp otyra berýge bolady. Biraq men dál osy ýaqytta kóshede 73 tehnıka men jekemenshik mekeme qyzmetkerleri túgel jumyla jumys istep jatqanyn bilemin. Sondyqtan bizge qury jatpaı, dostardy jınap, qolǵa kúrek alyp, ortaq iske úles qosýǵa bolady. Jaqsy isten soń kóńil-kúıiń de jaılanady, boıdaǵy artyq salmaqtan da arylýdyń paıdasy zor»,-dep jazdy.
Taǵy bir jeli qoldanýshy qala turǵyny Sáken Júsipbekov Facebooktegi paraqshasynda óziniń aýlasyndaǵy qardy tazalap tastaǵandyǵyn aıtty. «Keshki tazalyq jumystarynyń jalǵasy. Ekinshi bólim. Qardy tazalap tastadym. Bitken is boldy. Biz aqy tóleımiz, alaıda aýla tazalaýshy sol boıy kelmedi. Eger olar jumys istemeıtin bolsa, biz kommýnaldyq qyzmetke ne úshin aqy tóleıtinimizdi túsinbeımin. Meni bala kezimnen tanıtyn kórshim demeý bolyp, maqtaý sóz aıtty. Men odan saıyn órshelene jumys istedim»,-dep jazdy ol.
Osy posttyń sońynda ol esiktiń ústindegi qalpaqshany da qardan tazartyp tastaǵanyn aıtady. «Ol shydaı almaı qulaýy múmkin ǵoı, EKSPO ǵımaraty sııaqty. Salbyrap turǵan muzdardy da qulattym. Kim myqty? Árıne, men myqtymyn!»,-deıdi.
Bul shattan tys jaǵdaı. Sondyqtan qaınaq sýǵa arnalǵan termostar jetkiliksiz. Eger termosy bar turǵyndar bar bolsa, bizge bere tursyn. Paıdalanyp bolǵan soń bútin kúıinde qaıta qaıtaramyz. Sizderde súıikti qalamyzdyń tazalyǵyn saqtaý isine úles qosatyndaı keremet múmkindik bar qazir.
P.S. Men qalyń kópshilikten bul azran jolmen upaı jınaý, kataklızmdi paıdalanyp ózderińizdiń jumystaryńyzdy jarnamalaǵylaryńyz keledi me, degen syńaıdaǵy pikirlerden aýlaq bolýlaryńyzdy suraımyn. Úndemeı kómektese berseńizder bolatyn edi. Biz osyǵan deıingi sý tasqyny kezinde jumysshylarmen birge eńbektendik. Sol sebepti bul máselede bizdiń birama tájirıbemiz bar. Sol tájirıbe bizge «jumyla kótergen júk jeńil» ekenin kórsetip berdi. Barlyqtaryńyzdyń kúnderińizdiń sátti ótýin tileımin!»,-dep jazady Qýanysh Shonbaı.
