Almatylyqtar qala kúnine arnalǵan velosherýge qatysty
ASTANA. QazAqparat - Búgin Almatyda «Sporttyq Almaty» baǵdarlamasy aıasynda qala kúnine arnalǵan velosherý ótti, dep habarlaıdy Aqparattyq jáne sporttyq HAB.
600-den asa áýesqoılar «Nurly Taý» bıznes ortalyǵynan bastap Tuńǵysh Prezıdent saıabaǵyna deıin sozylǵan 9 shaqyrymdyq qashyqtyqty baǵyndyrdy. Olardyń arasynda bokstan jastar arasynda Azııa chempıondary - Sanatáli jáne Samatáli Tóltaevtar, sporttyq akrobatıkadan Qazaqstan ulttyq quramasynyń bas bapkeri - Aıgúl Dúkenbaeva, ýshýdan jazǵy Ýnıversıada-2017 oıyndarynyń kúmis júldegeri - Rýslan Lıbırovtar velosherýge qatysty.
«Men velosıpedpen júrmegeli kóp boldy. Bala kezimde jıi tebetinmin, al qazir jattyǵýlardan qol bosamaıdy. Biraq búgingi velosherý óte keremet boldy, maǵan unady. Aldaǵy ýaqytta da qatysamyn degen oıdamyn. Barlyq almatylyqtardy qala kúnimen quttyqtaımyn!» - dedi Rýslan Lıbırov.
Márede qatysýshylardyń arasynda baǵaly syılyqtar jáne velosıpedter oınatylyp, «Office air» kompanııasynyń atynan sertıfıkattar taratyldy. Sonymen qatar Mad Kings Crew bı komandasy óz ónerlerin ortaǵa salyp, veloshabandozdarǵa kóterińki kóńil kúı syılady.
«Men almatylyq velosherýlerge bastalǵannan beri qatysyp kelemin jáne jibermeýge tyrysamyn. Maǵan velosıpedpen júrgen óte unaıdy. Jumysqa da velosıpedpen baramyn. Uıymdastyrýshylarǵa alǵysymdy bildiremin. Velosıped utyp alǵanyma óte qýanyshtymyn», - dedi velosıped utyp alǵan Jeńisgúl Ospanova.
Aıta keter jaıt, osy velosherý «Sporttyq Almaty» qalalyq baǵdarlamasynyń qoldaýymen 2017-shi jyly josparlanǵan 21 velosherýdii on segizinshisi bolyp sanalady.
«Sporttyq Almaty» baǵdarlamasy megapolıstegi buqaralyq sportty damytý maqsatynda júzege asyrylýda.
Bul baǵdarlama Memleket basshysynyń «Jańa onjyldyqtaǵy - ekonomıkalyq serpin, Qazaqstannyń jańa múmkindikteri» joldaýynda kórsetilgen tapsyrmany júzege asyrý maqsatynda qabyldanǵan.
Baǵdarlama aıasynda buqaralyq psortty damytýǵa baǵyttalǵan túrli sporttyq sharalar, týrnırler, jarystar ótkizilip turady.
2016 jyly 1077 sporttyq shara uıymdastyrylyp, oǵan 107 549 adam qatysqan.
