Almatylyqtar qabyldaýǵa jeke bas máselesimen ǵana kelmeıdi – Saǵyntaev

ALMATY. QazAqparat– Almaty turǵyndary «Nur Otan» partııasynyń qoǵamdyq qabyldaýyna bapana, jer, kommýnaldyq máselelerge qatysty óz problemalaryn sheshý úshin ǵana kelmeıdi. Kóptegen jandar jaqsy ıdeıalaryn usynady. Bul týraly qala ákimi Baqytjan Saǵyntaev Facebook-tegi paraqshasynda jazdy, dep habarlaıdy QazAqparat tilshisi.

«Qabyldaýǵa kelgenderdiń arasynda múmkindigi shekteýli jandardyń máselelerimen aınalysatyn Arnur Ysqaqov pen Nurgúl Seıitbekova boldy. Olardyń «Belsendi ómir» forýmyn ótkizý jáne yńǵaıly kıimder tigý jónindegi áleýmettik mańyzy bar jobany júzege asyrý usynysyn qoldaımyz», - dep jazdy Almaty ákimi.

Onyń aıtýynsha, qoljetimdi ortany qamtamasyz etý – «Nur Otan» partııasy qalalyq fılıalynyń baqylaýynda turǵan mańyzdy máselelerdiń biri.

«Apparattyq jıynda «Kedergisiz keleshek» partııalyq joba týraly aqparatty tyńdadyq. Múmkindigi shekteýli jandarǵa qoljetimdi ortany qalyptastyratyn ári memlekettik qyzmetti kórsetetin 20 uıymnyń jumystarynda kemshilikter bar. Sheshim qabyldandy: partııanyń qalalyq fılıalynyń kelesi otyrysynda atalǵan obektiler basshylary kórsetilgen problemalardyń qalaı sheshilip jatqanyn baıandaıtyn bolady», - dep qortyndylady Baqytjan Saǵyntaev.