Almatylyqtar ıt jyly qarsańynda qańǵybas ıtterdiń barlyǵyn asyrap aldy
ALMATY. QazAqparat - Almatylyqtar ıt jyly qarsańynda aýlanǵan ıtterdiń barlyǵyn asyrap aldy. Qalalyq veterınarlyq qyzmet ortalyǵynyń Instagramdaǵy paraqshasynda habarlanǵandaı, búgin ekinshi kún qatarynan qańǵybas ıtter oqshaýlaǵyshynda ıt joq.
Janýarlardy almatylyq eriktiler Álııa Juma men ıÝlııa Snegıreva asyrap aldy.
Olarǵa Facebook qoldanýshylary dári-dármek, azyq-túlikpen kómektesip jatyr.
Eki erikti boıjetkenniń árqaısysy 50-60 ıt asyrap otyr. Soǵan qaramastan olar oqshaýlaǵyshtaǵy ıtterdiń birin qaldyrmady.
Aıta ketý kerek, Almaty bıligi qańǵybas ıtterdi baqylaý salasynda úlken reforma jasap jatyr. Qalalyq veterınarlyq qyzmet ortalyǵynyń basshysy Serik Jaqsabaev Qoǵamdyq keńestegi otyrysta ıesiz janýarlardy asyrap alý kórsetkishin arttyrýǵa basymdyq beriletinin aıtty.
Osy maqsatta Instagram jelisinde ustalǵan janýardyń sýretin jarııalap, burynǵy qojaıyndaryn taýyp alý múmkin bolady.
«Oqshaýlaǵyshtyń jumys ýaqyty 4 saǵatqa uzartyldy. Tańǵy 9-dan túngi 10-ǵa deıingi ýaqytta ıt asyrap alamyn deýshiler kelip qaraı alady. Buryn janýarlardy 3 kún ustasa, endi 5 kúnge deıin uzartý qarastyrylyp otyr. Bıyl shildeden bastap 3 058 janýar ıesine qaıtaryldy. Ótken jyly bul kórsetkish 357 bolatyn», - dedi Serik Jaqsabaev.
Onyń aıtýynsha, búginde ıt-mysyq asyrap alatyndarǵa arnaıy tólqujat beriledi. Sonymen qatar, tegin ekpe jasalyp, chıp ornatylady.
