Almatylyqtar fýtboldan Álem kýbogymen sýretke túse alady
ALMATY. QazAqparat - Fýtboldan Álem chempıonatynyń bas júldesi Almatyǵa osymen ekinshi ret ákelinip otyr, dep habarlaıdy «QazAqparat» HAA tilshisi.
«Mundaı sharalar balalar men jastar úshin óte mańyzdy. 2010 jyly Álem kýbogy Almatyǵa alǵash ret ákelingennen keıin myńdaǵan bala fýtbol mektepterine bara bastaǵan edi», - deıdi qonaqtardy qarsy alǵan QFF prezıdenti Seıilda Baıshaqov. 
6 kg altynnan quıylǵan trofeıdiń ońtústik astanaǵa ákelinýi úlken merekege aınaldy. Almatylyqtar men qala qonaqtary 19:00-ge deıin Mega Alma-Ata-da Álem kýbogymen sýretke túsýine bolady.
FIFA-nyń arnaýly ókili retinde kelgen Álem kýbogy elshisi, 1998 jylǵy álem chempıony, frantsııalyq fýtbolshy Krıstıan Karambe Qazaqstanǵa kelgenine qýanyshty ekenin aıtty.
Shrı-Lankadan saıahatqa shyqqan Álem kýbogy buǵan deıin jahannyń 9 qalasynda boldy. Buǵan deıin Pákistanda bolǵan Kýbok erteń Bishkekke attanady.
Eske sala keteıik, Kýbokty alyp júrgen FIFA delegatsııasy Almatyǵa qolaısyz aýa raıyna baılanysty kesheýildep jetti.
https://kaz.inform.kz/news/almatyga-futboldan-alem-chempionatynyn-altyn-kubogy-akelindi_a3143018
