Almatylyqtar erteńnen bastap menıngokokk juqpasyna qarsy ekpe ala alady
ALMATY. QazAqparat - Almaty emhanalaryna menıngokokk juqpasyna qarsy ekpe jetkizildi. Erteńnen bastap kez kelgen adam 3 jekemenshik emhanada ekpe alýǵa múmkindik aldy. Bul týraly qalalyq Qoǵamdyq densaýlyqty saqtaý departamentiniń basshysy Aızat Moldaqasymova aıtty, dep habarlaıdy QazAqparat tilshisi.
«Ekpe qalaǵa jetkizildi. Erteńnen bastap 3 jekemenshik emhanada satyla bastaıdy. Baǵasy jaıly aıta almaımyn», - dedi Aızat Moldaqasymova.
Departament basshysynyń aıtýynsha, qazirgi tańda Almatyda aýrýdyń báseńdegeni baıqalady.
«Medıtsınalyq mekemelerge 31 adam júgingen. 25 adamda juqpa bar ekeni zerthanalyq turǵyda rastaldy. 6 adamǵa klınıkalyq turǵydan dıagnoz qoıyldy. Qazir aýrýdyń báseńdegeni baıqalady. Dárigerlerge kelýshilerdiń qatary sıredi. Sondyqtan, karantın jarııalaýǵa qajettilik joq», - dedi A.Moldaqasymova.
Aıta keter bolsaq, sońǵy 2 aptada Almatyda dərigerlerge 57 adam júgingen. Onyń 29-ynda dıagnoz rastaldy. Menıngokokk juqpasynan tórt adam qaıtys boldy. Olar: er adam, áıel adam, bir stýdent jáne 5 jasar bala.
Sondaı-aq, Almaty oblysynda 2 adamnyń kóz jumǵany belgili boldy.
