Almatylyqtar elektr qýatynyń qaı aýmaqta jáne nelikten óshkenin onlaında bile alady

ALMATY. QazAqparat - Almaty turǵyndary apatty jaǵdaıda elektr energııasy óshken aýmaqty onlaın rejımde kóre alady, dep habarlaıdy QazAqparat tilshisi.

Endi úıde, jumysta, qoǵamdyq jáne basqa jerde elektr energııasy óshken kezde, ınternetke shyǵatyn kez kelgen qurylǵysy (smartfon, kompıýter, planshet) bar adam qalanyń elektr jelisindegi másele týraly qajetti aqparatty bile alady. Bul týraly «Alataý jaryk kompanııasy» AQ-da málimdedi.

«Energııamen qamtý qyzmeti boıynsha jedel derekter ózine elektr energııasy apatty jaǵdaıda toqtatylǵan aýmaqty, onyń óshken jáne qalpyna keltirý ýaqytyn, baılanys ortalyǵynyń telefon nómirlerin qamtıdy. Onda kezekshi operatorlar Almaty qalasynda elektr energııasyn óshirýdiń qandaı da bir jaǵdaıy týraly tolyq aqparat beredi», - dedi kompanııadan.

Elektr energııasyn berýdegi ýaqytsha shekteýlerdiń ınteraktıvti kartasy kompanııa saıtynyń «apattyq óshirý» bóliminde ornalasqan.

Kompanııada málim etkendeı, joba QR Prezıdentiniń tsıfrlandyrý jáne jańa tehnologııalardy engizý týraly Joldaýy, sondaı-aq, Almaty turǵyndaryn elektr energııasyn óshirý týraly habarlanýyn arttyrý baǵdarlamasy sheńberinde ázirlendi.