Almatylyqtar eldiń Uly merekesin Táýelsizdik monýmentine gúl shoǵyn qoıýdan bastady
ALMATY. 16 jeltoqsan. QazAqparat - Búgin Almatyda memlekettik atqarý organdary, qoǵamdyq, saıası jáne jastar uıymdarynyń ókilderi QR Táýelsizdik kúnin merekeleýdi jańa alańdaǵy Táýelsizdik monýmentinen bastady.
Olar azattyq jolynda qurban bolǵan bozdaqtardyń rýhyna taǵzym etip, gúl shoqtaryn qoıdy.
«Búgin egemen el bolǵanymyzǵa 21 jyl toldy. Ár memlekettiń ósýi úshin, halqymyzdyń damýy úshin eń aldymen azatyq pen ǵylym-bilim jáne mádenıet qajet. Qudaıǵa shúkir, osy salalardyń bári Qazaqstan kóleminde qazir damyp jatyr. Osyǵan shúkirlik eteıik. Árdaıym tynyshtyq, bereke, yntymaq-birlik bolsyn, elimizdiń shetinde jaý, ishinde daý bolmasyn», - deıdi Almaty qalalyq ardagerler keńesiniń tóraǵasy, QR UǴA Akademıgi Erenǵaıyp Shaıhýtdınov. Al qala ákiminiń orynbasary Serik Seıdýmanovtyń aıtýynsha, Almatyda Táýelsizdik kúni qarsańynda barlyq mekemelerde túrli sharalar ótti. Endi mundaı merekelik baǵdarlamalar búgin teatrlar men kontserttik alańdarda óz jalǵasyn tabady. Sondaı-aq 2011 jyly Jańaózen qalasynda bolǵan qaıǵyly oqıǵaǵa baılanysty as beriledi.
