Almatylyqtar Disney jáne Marvel fılmderin qazaq tilinde kóretin boldy
ALMATY. QazAqparat. - Almatyda Naýryz merekesiniń qurmetine oraı tuńǵysh ret qazaq tilinde Disney/Marvel fılmderiniń festıvali ótedi, dep habarlaıdy «QazAqparat» HAA tilshisi qalalyq ákimdikke silteme jasaı otyryp.
Naýryz meıramy aıasynda naýryz-sáýir aılarynda Almaty turǵyndary men qonaqtary alǵash ret qazaq tilindegi fılmder festıvaline bara alady. Kórsetilimder Almatynyń iri moly sanalatyn «Aport» oıyn-saýyq aýmaǵyndaǵy StarCinemaAport kınoteatrynda ótedi. Festıval Almaty qalasy ákimdiginiń qoldaýymen uıymdastyrylýda.
Festıval kúnderi kórermender mynadaı týyndylardy kóre alady: «Kólikter-2», «Batyl júrek», «Qubyjyqtar ýnıversıteti», «Galaktıka saqshylary», «Malefısenta», «Kúlbıke», «Kek Alýshylar-2: Altron dáýiri», «Alısa aınanyń arǵy jaǵy», «Djýnglı kitaby», «Moana».
Ákimdiktiń málimetinshe, festıval aıasynda kórsetiletin fılmderdiń baǵasy 300 teńge turady.
