Almatylyqtar tsırkte kógershinderdiń erekshe qasıetine tánti boldy
ALMATY. QazAqparat - Almatylyqtar úıretilgen kógershinderdiń ónerin kórsetken erekshe tsırk baǵdarlamasyn tamashalady, dep habarlaıdy QazAqparat tilshisi.
Atalǵan tsırk nómiri Parıjde ótken tsırk óneri baıqaýynyń gran-prı júldesin jeńip alǵan.
«Kóptegen tsırk qoıylymdarynda tálimger shardy óz qolymen aınaldyryp turady da onda otyrǵan kógershin júrýge májbúr bolady. Al men óz nómirimde shardan alys turamyn da qustardyń ózderi nómirdi oryndap shyǵady. Shardyń ishinde 4 kógershin aınalsa, ústindegi bireýi de men buıryq bermeıinshe toqtamaı aınalady», - deıdi erekshe nómirdiń avtory reseılik úıretýshi Marına Kataeva.
Onyń aıtýynsha, qustardyń úırengeni sondaı olardyń árqaısysy óz ornyn biledi jáne qaı kezde ushý qajettigin ábden úırengen.
«Kógershinder ózge qustar sekildi tez úırenip ketpeıdi. 10 kógershinniń 2-3-eýi ózinshe qımyldap trıýkke kóne qoımaıdy. Sondyqtan, olardy úıretý úshin barynsha jylylyq tanytamyn», - deıdi ol.
Marına óz sózinde qustardan bólek ıtter men mysyqtardy, aıý men jyrqysh ańdardy da tsırk baǵdarlamasyna kóndire alatynyn aıtty.
Reseılik sheber qazirgi ýaqytta ıÝrıı Nıkýlın tsırkiniń mereıtoılyq baǵdarlamasymen kelip, Almaty qalasynda óner kórsetip jatyr.
