Almatylyqtar bul saılaýda buryn-sońdy bolmaǵan joǵary belsendilik kórsetti -Saılaý komıssııasynyń tóraǵasy
ALMATY. 7 sáýir. QazAqparat /Erlik Erjanuly/ - QR Prezıdentiniń kezekten tys saılaýyna almatylyqtardyń 68,5 paıyzy qatysty.
Bul jaıly búgin Almatyda ótken «Qazaqstandaǵy kezekten tys prezıdent saılaýynyń qorytyndylary» dep atalatyn dóńgelek ústel jıynynda aıtyldy.
«Almatyda eshqashan saılaýǵa daýys berý kezinde belsendilik bolǵan joq. Ol saılaýaldy naýqanmen ǵana erekshelenetin. Almatylyqtar bul saılaýda buryn-sońdy bolmaǵan joǵary belsendilik kórsetti. Máselen 2005 jylǵy saılaýǵa saılaýshylardyń 53,1 paıyzy qatysyp, 439 myń adam daýys berse, bıyl 68,5 paıyzy nemese 693 myń adam saılaýǵa qatysty. Nursultan Nazarbaevtyń kandıdatýrasyna olardyń 2005 jyly 389 myńy, al 2011 jyly 643 myńy daýys berdi», - deıdi qalalyq saılaý komıssııasynyń tóraǵasy Ádil Júnisov. Qoǵamda ádette ekonomıka birinshi, saıasat ekinshi bolý kerek degen sóz jıi aıtylady. Ol bul saılaýda da aıqyn kórindi. Á. Máýlenulynyń aıtýynsha, 2005 jyly Alataý aýdanyndaǵy Shańyraq oqıǵasyna baılanysty daýys berýshiler sany onda az bolǵan edi. Bıyl bul aýdan qaladaǵy eń belsendi daýys bergenderdiń biri boldy. Qazir qalada jalpy jumyssyzdardyń úlesi 4 paıyzdy quraıdy. Bul daǵdarystan shyqqanymyzdyń naqty kórinisi.
