Almatylyqtar Baým baǵyn tazalady
ALMATY. 6 maýsym. QazAqparat /Erbol Azanbek/ - Búkilálemdik qorshaǵan ortany qorǵaý kúnine oraı 1 myńnan astam almatylyqtyń qatysýymen Baým baǵynda senbilik ótti.
«Almatyekologqurylys» MQK qyzmetkerleri, «Jasyl el» jastar qozǵalysynyń ókilderi, qarapaıym turǵyndar qatysqan senbilik barysynda Baým baǵyndaǵy shópter shabyldy, Úlken Almaty arnasynyń ańǵarlary qoqystan tazartyldy, arna jıegine qoıylǵan oryndyqtar men ýrnalar syrlandy. Bul kúni barlyǵy 103 m3 jınalǵan japyraq, shóp pen qoqys arnaıy tehnıkamen qala syrtyna áketildi.
Aýdan ákimdikteri senbilikke qatysýshylardy qajetti zattarmen qamtamasyz etse, qalalyq Kásipkerlik jáne ónerkásip basqarmasy tamaqtaný núktelerin uıymdastyrdy.
