Almatylyqtar Batys Qazaqstandaǵy sý tasqyny apatynan zardap shekkenderge qaıyrymdylyq kómek qolyn sozdy
ALMATY. 19 sáýir. QazAqparat /Ádilet Musahaev/ - Almatylyqtar Batys Qazaqstan oblysyndaǵy sý tasqyny apatynan zardap shekkenderge qaıyrymdylyq kómek jasaýda.
Qazir 400 keliden joǵary azyq-túlik pen 450 keli kıim-keshek jınaldy. Áli eki apta boıy qalada 6 kómek jınaý oryny jumys isteıtin bolady. Bul jaıynda búgin Almaty qalalyq partııalyq baqylaý komıssııasy men «Nur Otan» HDP-nyń «Jas Otan» jastar qanaty syndy sharanyń bastamashyl toptary Almatyda arnaıy ótken baspasóz máslıhatynda aıtty.
Kómek jınaıtyn oryndar Almatynyń «Keremet», «Silk way city» Saýda úıleri men «ıÝbıleınyı», «Stolıchnyı» dúkenderi, «Mega Tower» ortalyq aýylsharýashylyq bazary jáne «Nur Otan» HDP-nyń Almatylyq fılıalynyń keńsesinde ornalasqan. Zardap shekkender tek azyq-túlikten ǵana emes, basqa da buıymdarǵa muqtaj. Kóbinde olarǵa usaq tehnıkalyq buıymdar, quraldar, rezınalyq etik, gıgıenalyq zattar men taǵy basqa zattarǵa qajettilik týyndaýda.
Esterińizde bolsa, Batys Qazaqstanda sý tasqyny sáýir aıynyń basynda bastalǵan bolatyn. Almaty qalalyq partııalyq baqylaý komıssııasynyń tóraǵasy Muhıt Túmenbaevtyń aıtýynsha, sý tasqyny apaty kezinde 57 eldi meken, 3,1 myń turǵyn úı men 2,1 myńǵa jýyq qurylys pen 8 852 adam evakýatsııalanǵan, onyń 1182-si - balalar.
