Almatylyqtar baspanany úleskerlikpen 20% arzanǵa satyp ala alady
ALMATY. QazAqparat - Almatylyqtarda baspanany úleskerlikpen 15-20%-ǵa arzan satyp alý múmkindigi paıda boldy, dep habarlaıdy QazAqparat.
«Turǵyn úı qurylysyna kepildik berý qory» AQ Almatyda úı salyp jatqan 40 qurylys kompanııasynyń ókilderimen kezdesý ótkizdi.
Jıynda azamattarǵa turǵyn úıdi naryqtyq qunynan 15-20%-ǵa tómen baǵamen satyp alýǵa múmkindik beretin úlestik qurylys jobasy talqylandy.
«Báıterek» holdınginiń enshiles uıymdary «Qazaqstannyń Turǵyn úı qurylys jınaq banki» AQ men «Turǵyn úı qurylysyna kepildik berý qory» AQ jáne 40 qurylys kompanııasynyń basshylyǵy tıimdi jumys múmkindigin ózara talqylady.
«Búginde 140 myń almatylyq azamat «Turǵyn úı qurylys jınaq bankiniń» kómegimen baspanaly bolý úshin qarajat jınap jatyr. Olardyń jınaq somasynyń jalpy kólemi 75,6 mlrd teńgeni quraıdy. Jınalǵan aqsha qazirdiń ózinde turǵyn úı zaemyn rásimdeýge jáne 15 000-nan astam páter satyp alýǵa múmkindik beredi. Alaıda bizdiń salymshylar úshin turǵyn úıdiń tek jaıly jáne sapaly ǵana emes, qoljetimdi bolǵany da kerek. Úlestik joba boıynsha klıentter turǵyn úıdi 15-20 %-ǵa arzan baǵada satyp alsa bolady», - dedi TÚQJB Almaty qalalyq fılıalynyń dırektory Rahıla Baltabaeva.
Halyq úlestik jobalarǵa qatysqanǵa deıin qurylys kompanııalaryna Turǵyn úı qurylysyna kepildik berý qorynan kepildik nemese ákimdikten ruqsat alý qajet bolady.
Qurylys júrgizýshi kompanııanyń bankrot bolýy, qarjynyń kózdelgen maqsatta jumsalmaýy, paıdalanýǵa berý merziminiń buzylýy sekildi kepildik jaǵdaıy týyndasa, kepildik berý qory nysandy salyp bitiredi.
Qazirgi ýaqytta salynyp jatqan eki nysan, atap aıtqanda Astanadaǵy «Mıllenıým park» Turǵyn úı kesheni sektsııasy jáne Almatydaǵy «Legenda» Turǵyn úı kesheniniń alǵashqy kezegi Qor kepildigine ıe boldy. Jaqyn arada mundaı keshenderdiń qatary óspek.
Osy ýaqytqa deıin Turǵyn úı qurylys jınaq banki Astanada úlestik qurylys boıynsha bir jobany júzege asyrǵan bolatyn.
1 sharshy metriniń quny 290 000 teńge bolatyn 100 páterden turatyn nysannan 800 salymshy úmitker atanǵan edi.
Klıentter bolashaq páterdi kepilge qoıý arqyly nesıe alady.
ıAǵnı Turǵyn úı qurylys jınaq banki salymshysyna qosymsha kepil izdep, usynyp jatýdyń qajeti joq. Ol úı qurylysy júrip jatqanda-aq zaem alyp, nesıesin jabýdy bastap kete alady.
