Almatylyqtar bas kóshelerdiń jańa jobasyna daýys berip jatyr
Atap aıtqanda, qalalyq Sáýlet jáne qala qurylysy basqarmasy Abaı, Abylaı han, Nazarbaev kósheleriniń bolashaqtaǵy kelbetin fotoıllıýstratsııa arqyly saıtqa jarııalaǵan bolatyn.
Onlaın daýys berýge almatylyqtar belsendi qatysyp jatyr.
Abaı kóshesiniń bolashaqtaǵy sıpatyna 1786 adam daýys bergen. Barlyq jobalardyń ishinen Ulttyq kitaphananyń aldyndaǵy ózgeris kópshiliktiń qoldaýyn týǵyzdy. Jobany daýys berýshilerdiń 72 %-y unatqan.
Turǵyndar tarapynan Abaı 30 mekenjaıyndaǵy 3 qabatty ǵımarattyń ózgerisi onsha qoldaý tappady. Bul sýretke daýys berýshilerdiń 70 %-dan astamy dızlaık basty.
Abylaı han kóshesindegi ózgeris úshin 404 adam daýys bergen.
Adamdarǵa Abylaı han kóshesindegi 122 mekenjaıyndaǵy 3 qabatty turǵyn úıdiń qasbeti unaǵan. Jobany daýys berýsherdiń 67 %-y qoldady.
Al Qurmanǵazy atyndaǵy ulttyq konservatorııanyń ózgerisi kópshiliktiń kóńilinen shyqpady.
«Eki jobada eshqandaı aıyrmashylyq joq, ǵımarat tústeri sáıkespeıdi. Jasyl-jelek az», - degen pikirler tirkeldi.
Nazarbaev kóshesiniń shyǵys jaǵynda 124 mekenjaıdaǵy ǵımarattyń syrt kelbetin daýys bergen 214 adamnyń 66 %-y unatqan.
Al, qazirgi Arbatta ornalasqan Passaj saýda úıiniń bolashaqtaǵy kelbeti daýys bergenderdiń 70 %-y unamady.
Jalpy alǵanda turǵyndardyń 60%-y qalanyń qaıta jasaý josparyn unatsa, 30 %-y - ózgeris keregi joq dep otyr. Al, suralǵandardyń 8 %-y jasyl jelektiń azdyǵyn alǵa tartsa, 6 %-y avtoturaq máselesi sheshilmegen dep sanaıdy.
Aıta ketý kerek, 5 aqpannan bastap qalalyq Sáýle jáne qala qurylysy basqarmasynda ortalyq kóshelerdi qaıta jasaý jobalary qoǵam talqysyna usynylǵan bolatyn.
