Almatylyqtar balalar alańynda shashylyp jatqan qoldanylǵan shprıtske alańdaýshylyq bildirdi
ALMATY. QazAqparat – Almatyda balalar alańynda qoldanylǵan medıtsınalyq shprıtster tabylǵan, dep habarlaıdy QazAqparat tilshisi.
Turǵyndar vıdeony Instagram jelisine jarııalady.
Almaty ákimdigi narazylyq týdyrǵan jazbaǵa qatysty túsinik berdi.
«Alataý aýdandyq ákimdik apparaty medıtsınalyq qaldyqtar Open Medical Channel klınıkasyna tıesili ekenin rastady. Bul ortalyqta qaldyqtardy joıý erejesi buzylǵan. Alataý aýdandyq qorshaǵan ortany qorǵaý jáne ekologııa bóliminiń qyzmetkerleri oqıǵa ornyna baryp, Open Medical Channel ortalyǵynyń jaýapty tulǵalaryna qatysty QR ÁqbK 505-babymen ákimshilik hattama toltyrdy. Sonymen qatar túsindirý jumystary júrgizildi», - deıdi ákimdikten.
