Almatylyqtar Baqytjan Saǵyntaevtyń jeke qabyldaýynda boldy
ALMATY. QazAqparat - Aýdandardy aralap, turǵyndarmen kezdesken Baqytjan Saǵyntaev azamattardy jeke qabyldaı bastady, dep habarlaıdy QazAqparat tilshisi.
Ákimniń qabyldaýynda 25 adam keldi. Olar ártúrli máseleni kóterdi. Turǵyn úı, jer ýchaskesi, kommýnaldyq jáne áleýmettik problemalardy aıtty. Keıbir máseleler sol jerde sheshildi.
«Máselelerdiń keıbireýleri birden sheshilip jatty. Qosymsha zertteýdi qajet etetin ótinishter de boldy, mektepke jáne kóshege at berý - úkimettik deńgeıdegi komıssııa sheshimimen ǵana iske asatyn másele. Ár ótinish boıynsha naqtyly jaýaptar ázirlenedi. Oń sheshimin tapqan jaǵdaıda oryndalý merzimi men jaýapty adamdardyń aty-jóni kórsetiledi», - dep habarlady ákimdik baspasóz qyzmeti.
Endi azamattardy jeke qabyldaý qala ákimdigi men «Nur Otan» partııasy fılıalynyń keńsesinde turaqty ótedi.
Al, turǵyndarmen «erkin mıkrofon» formatynda kezdesý ár toqsanda bir ret ótedi dep josparlanýda.
