Almatylyqtar aýtızmge shaldyqqandarǵa qoldaý bildirdi
ALMATY. QazAqparat - Almatyda aýtızmi bar balalardyń máselesi talqylandy, dep habarlaıdy QazAqparat tilshisi.
«Mıloserdıe» qaıyrymdylyq qoǵamynyń «Aýtızmdi jeńemiz» ortalyǵy «Ashyq álem» qorymen birige otyryp, erekshe balalarǵa erekshe mereke uıymdastyrdy.
Balalar teatr sabaǵyna, sporttyq sharalarǵa qatysyp, oıyn fleshmobyn uıymdastyrdy.
Mamandardyń aıtýynsha, aýtızmmen aýyratyn balalardyń qoǵamǵa beıimdelýi ortasyna tikeleı baılanysty.
«Ashyq álem», qory keltirgen málimet boıynsha 2017 jyly 3820 adamda, onyń ishinde Almatyda - 799 adamda aýtızm belgileri anyqtalǵan.
«Sındromdy erte anyqtaý, ata-ananyń qoldaýy, oqytý óte mańyzdy. Bizdiń sanamyzǵa tóńkeris kerek. Sonda ǵana balalarymyz qoǵamǵa tez beıimdeletin bolady», - dedi ata-analar.
2008 jyldan beri 2 naýryzda BUU aýtızm aýrýyna shaldyqqandardyń kúnin atap ótedi.
Álemde 67 mln asa adam aýtızm dertine shaldyqqan.
Álemdegi Autism Speaks uıymynyń belgisi kók tústi pazl bólshegi bolyp tabylady.
2010 jyldan bastap «kók tústi jaq» marketıng aktsııasy bastaý aldy. Búgin de Qazaqstannyń ár jerinde aýtızmmen aýyratyndardy qoldaý aktsııasy júrip jatyr.
Pavlodarda arnaıy uıymdar aspanǵa kók shar jiberdi.
