Almatylyqtar Astanada kóz jumǵan 5 balanyń rýhyna taǵzym etti
ALMATY. QazAqparat - Almaty jurtshylyǵy Astanada úıinde órtenip ketken 5 balany eske alý úshin ortalyqtaǵy saıabaqqa jınaldy, dep habarlaıdy QazAqparat tilshisi.
Bul bastamany Feısbýkte kópbalaly analardyń biri, belsendi bloger Aqmaral Basırova kótergen bolatyn.
Qala turǵyndary men qonaqtary 28 Panfılovshylar parkindegi Məńgilik alaý mańyna jınaldy.
Qaıǵyly qaza qabyrǵasyn qaıystyrǵan jurtshylyq únsiz ǵana alaý basyna kelip, gúl shoqtary men oıynshyqtar, shamdar qoıa bastady.
Mundaı aza tutý sharasy elimizdiń birqatar qalalarynda júrip jatyr. 
Eske sala keteıik, 4 aqpan kúni túnde «Kóktal-1» turǵyn úı alabynda jeke úıdiń aýlasynda turǵyzylǵan ýaqytsha baspanadan órt shyqty. Órtti sóndirý barysynda 2006, 2008, 2014, 2016, 2018 jyldary týǵan 5 qyz balanyń denesi tabyldy.
Olardyń eń kenjesi nebári 11 aılyq sábı edi. Qaıǵyly oqıǵa kezinde bes balanyń ata-anasy túngi jumysta bolǵan.
Búgin 5 balany elordalyqtar aqtyq saparǵa shyǵaryp saldy.
Sondaı-aq, Elbasy órtte qaza bolǵan balalardyń otbasyna kóńil aıtty.
