Almatylyqtar Ashyq qosymshasyn ári qaraı da qoldana beredi - jańa qaýly

ALMATY. QazAqparat - Almaty qalasynyń bas memlekettik sanıtarııa dárigeriniń jańa qaýlysy shyqty, dep habarlaıdy QazAqparat tilshisi.

Almaty turǵyndary arasynda koronavırýs ınfektsııasynyń taralýyn odan ári aldyn alý maqsatynda shyqqan jańa qaýlyǵa sáıkes, Almaty qalasynyń aýdandarynyń ákimderi, memlekettik organdar, Kásipkerler palatasy (kelisimi boıynsha), quqyq qorǵaý jáne arnaıy organdar, mekeme, kásiporyndar jáne kásipkerlik sýbektileriniń basshylary obektilerde «Ashyq» jobasyn iske asyrýdy jalǵastyrady.

QR Bas memlekettik sanıtarııalyq dárigeriniń «Qazaqstan Respýblıkasynyń halqy arasynda koronavırýstyq ınfektsııa aýrýynyń aldyn alý jónindegi sharalardy odan ári kúsheıtý týraly» jáne «Bilim berý uıymdarynda shekteý is-sharalaryn alyp tastaý týraly» qaýlylary iske asyrylady.

Sondaı-aq jańa qaýlyǵa sáıkes Almaty qalasynyń bas memlekettik sanıtarııa dárigeriniń mindetin atqarýshynyń 11 aqpandaǵy №4 qaýlysynyń kúshi joıyldy.