Almatylyqtar ánurandy qalanyń ár jerinen bir ýaqytta oryndady
Almaty ákimi Erbolat Dosaev qala turǵyndarymen birge memlekettik ánurandy oryndady.
Patrıottyq aktsııaǵa 500-den astam adam qatysty, onyń ishinde máslıhat depýtattary, qoǵam qaıratkerleri men jastar bar.
Sondaı-aq ánuran barlyq skverlerde, jaıaý júrginshiler kóshelerinde, metroda, «Medeý» kesheni men «Shymbulaq» kýrortynyń aýmaǵynda, «Kóktóbe» saıabaǵynda shyrqaldy.
Aktsııanyń maqsaty – azamattyq pen patrıottyqqa, óz Otany – Qazaqstan Respýblıkasyna degen súıispenshilikke tárbıeleý, eldiń memlekettik rámizderine degen qurmetti qalyptastyrý, sondaı-aq olardyń máni men mańyzyn túsiný.
Ata keteıik, bıyl memlekettigimizdiń sımvoldarynyń qabyldanǵanyna 30 jyl tolyp otyr.
Eske salsaq, memlekettik ánurandy kópshilik aldynda oryndaý kezinde jınalǵandar turyp qosylyp aıtady, al Qazaqstan Respýblıkasynyń azamattary oń qolyn júrek tusyna qoıady.
Memlekettik ánuran mátini men mýzykalyq basylymǵa sáıkes memlekettik tilde oryndalady.
