Almatylyqtar AQTV-dan kóz jumǵandardy eske aldy
ALMATY. QazAqparat - Búgin Almatyda S.Asfendııarov atyndaǵy KazUMÝ ǵımaratynda ǵasyr indetinen qaıtys bolǵandardy eske alý sharasy ótýde.
Jınalǵandar osy dertke qatysty bilimin tekserip, arnaıy vıktorınalyq oıyndarǵa qatysýda. Kelýshilerdiń nazaryna arnaıy túsirilgen anımatsııalyq fılm usynyldy. Sonymen qatar, AQTV-ny tekserýge arnalǵan arnaıy zerthana uıymdastyryldy.
«Bul qaıǵy kez kelgen adamdy shalýy múmkin. Bul indetti tek qoǵamnyń nazaryn aýdarý arqyly, qaýipsizdik sharalaryn túsindirý arqyly toqtata alamyz», - dedi Almaty qalalyq JITS-ke qarsy kúres ortalyǵynyń bas dárigeri Talǵat Bapıev.
Mamandardyń aıtýynsha, Qazaqstanda qazir AQTV ınfektsııasyn juqtyrǵan 20 myń adam ómir súrýde.
«Almatyda 3871 adam tirkelgen, 1030 adam aýrýdan kóz jumdy. Antıretrovırýstyq terapııa ashylǵan soń ońtústik astanadaǵy syrqattardyń arasynda ólim-jitim azaıdy», - dedi qalalyq JITS-ke qarsy kúres ortalyǵy ádistemelik-uıymdastyrýshylyq bóliminiń meńgerýshisi Gúlnár Nurǵalıeva.
Dúnıejúzilik densaýlyq saqtaý Uıymynyń málimetine sáıkes, sońǵy 25 jylda JITS indeti 25 mln. adamnyń ómirin jalmaǵan. Naýqastardyń 3-ten 1-i Afrıka qurlyǵynyń turǵyndary.
