Almatylyqtar 8 naýryzǵa qandaı gúl túrlerin tańdaıdy - fotoreportaj
ALMATY. QazAqparat- 8 naýryz – kóktemniń basty merekeleriniń biri, sulýlyqtyń, náziktiktiń sımvoly. Bul kúni er adamdar ózderine qymbat jandardy, analaryn, ápkelerin, ájelerin jáne áriptesterin syılyqtarmen, ásirese gúlmen qýantýǵa asyǵady. 8 naýryz qarsańynda almatylyqtar qandaı gúldi jıi tańdaıtynyn QazAqparat tilshileri anyqtap kórdi.
Qazir Almatyda gúlder jármeńkesi ótip jatyr. Munda gúldiń alýan túri bar. Florıster satyp alýshylarǵa uzaq ýaqyt saqtalatyn gúlderdi usynady.
ıAǵnı, ósimdikterdiń jasýshalaryndaǵy sýdyń ornyna konservant qoldanady. Ol gúldi ádemi qalpynda saqtaıdy.
«Biz turaqtandyrylǵan gúldermen aınalysamyz, olar tózimdi bolady. 3 jyldan 5 jylǵa deıin jaıqalyp ósip turady. Olarǵa kútim jasaý qıyn emes. Arnaıy talaptar joq. Eń bastysy - gúlderdi kún sáýlesi men ylǵaldan aýlaq ustaý qajet. Olardy shańnan tazartý úshin jumsaq mata nemese fendi paıdalanýǵa bolady. Mundaǵy árbir raýshan gúlge kútim jasaımyz. Olar bizge Reseıden jetkiziledi. Florıster árbir gúldiń japyraǵyn qolmen qaıta jelimdeıdi. Sondyqtan baǵasy qymbat – 10 myń teńgeden joǵary», – deıdi Nadejda esimdi gúl ósirýshi.
Polına esimdi florıste te turaqtandyrylǵan, kópjyldyq gúl satady.
«Elimizde turaqtandyrylǵan gúlder endi ǵana qarqyn alyp keledi. Birneshe jyl buryn florıstıka salasynda osyndaı baǵyt paıda boldy. Suranys jaman emes. Mendegi gúlderdiń baǵasy kólemi men túrine baılanysty 3500 teńgeden bastalady»,- deıdi ol.
Sonymen qatar, ol 8 naýryzǵa qaraı qyzǵaldaq gúline suranys erekshe joǵary bolatynyn tilge tıek etti.
«Biz qyzǵaldaq gúlin de satamyz. Olardyń barlyǵy jergilikti, Almaty oblysynan ákelip jatyr, bir danasy 700-800 teńgeden. Gollandııalyqtary da bar, biraq sál qymbattaý. Qyzǵaldaqtardyń túri kóp», - dep jaýap berdi ol.
Gúl satýshy Leıla qyzǵaldaqtardyń tez solyp qalatynyn aıtty. Qarańǵy jerde shamamen 5 kún saqtalady.
«Kúndiz jáne jyly kezde qyzǵaldaqtar ashyla bastaıdy, al túnde jabylady. Ony tamyrymen satyp alýǵa da bolady. Olardy Almaty irgesindegi jylyjaılarda ósirip, sol jerden bizge ákelip jatyr. Bizde 40-tan 70 sm-ge deıin ártúrli kólemdegi qyzǵaldaqtar bar», - dedi Leıla.
Arzan gúlderdi qalanyń tómengi bóliginde tabýǵa bolady. Munda siz túrli-tústi qyzǵaldaqtardy ǵana emes, raýshan gúlin de satyp ala alasyz.
Qyzǵaldaqtar sorty men kólemine qaraı 500 teńgeden jáne odan joǵary, al raýshan gúlderi 900 teńgeden bastalady.
Buǵan deıin QR QM Memlekettik kirister komıtetinde syrt elderden gúlderdi ákelýge baılanysty qyzyqty derektermen bólisti.
2022 jyldyń qańtar-aqpan aılarynda Qazaqstanǵa barlyǵy salmaǵy 1 085 tonna, quny 8,5 mln AQSh dollaryna teń gúl ákelingen.
Bıyl gúlder Nıderland (535 tonna), Belgııa (162 tonna), Germanııa (115 tonna), Ekvador (94 tonna), Lıtva (79 tonna), Kolýmbııa (54 tonna), Ózbekstan (69 tonna), Kenııa (15 tonna), Slovakııa (5 tonna), Izraıl (4 tonna) jáne Túrkııa (3 tonna) elderinen ákelingen.
