Almatylyqtar 8 naýryz ben Naýryz merekesin toılaı ala ma
«Ótken aptadan beri Almaty qalasynyń kásipkerlerinen, túrli uıymdardan aldaǵy 8 naýryz Halyqaralyq áıelder kúni men Naýryz meıramyn qalaı toılaıtynymyz týraly saýaldar kelip túsip jatyr. 18 aqpanda elimizdiń bas sanıtarııa dárigeri kezekti karantın erejeleri men shekteýlerdi belgiledi. Jańa talaptarǵa sáıkes konferentsııalar men forýmdar, sondaı-aq saltanatty keshter men eske alý keshterin ótkizýge bolady»,- dedi Sádýaqas Baıǵabulov.
Korporatıvtik keshter, basqa da buqaralyq is-sharalar tek Ashyq nysandarynda ótkizilýi tıis.
«Almaty qalasy «qyzyl» aımaqta bolǵandyqtan kelýshiler sany 70 paıyzdan aspaǵany abzal. Alda koronavırýstyń jańa jaǵdaılary azaıyp, qala «sary» nemese «jasyl» aımaqqa aýyssa, onda eshqandaı shekteýler bolmaıdy», - dep túsindirdi ol.
